هەواڵ

خانمه‌ هێرشبه‌ره‌كه‌ى كورد ئه‌م هه‌فته‌یه‌ش له‌نێو پێكهاته‌ى نموونه‌یی باشترینه‌كان دابوو

سه‌نگه‌ر زرار- Kurd Sport

خانمه‌ هێرشبه‌ره‌كه‌ى كورد و تیپى یانه‌ى (وچان كوردستان)ى شارى سنه‌ى رۆژهه‌ڵاتى كوردستان، ئه‌م هه‌فته‌یه‌ش ناوى له‌نێو پێكهاته‌ى نموونه‌یی باشترینه‌كانى هه‌فته‌ى خولى تۆپى پێى كه‌وسه‌رى خانمانى یانه‌كانى ئێران دابوو.

باشترینەكانی هەفتەی دووەم

زه‌هرا قه‌نبه‌رى خانمه‌ یاریزانى كوردى كرماشانى و كاپتنى یانه‌ى (وچان كوردستان) كه‌ هه‌فته‌ى رابردوو له‌گه‌ڵ یانه‌كه‌ى له‌ده‌ره‌وه‌ى یاریگاى خۆیان به‌ئه‌نجامى 3-1 له‌یانه‌ى پالایش گاز ئیلام-یان برده‌وه‌ و هه‌ر سێ گۆڵ/ هاتریكى بردنه‌وه‌ى بۆ یانه‌كه‌ى تۆماركرد و به‌مه‌ش له‌لایه‌ن وێبسایتى دى سپۆرت-ى ئێرانى ناوى خرایه‌ نێو پێكهاته‌ى نموونه‌یی باشترین 11 یاریزانى هه‌فته‌ى یه‌كه‌مى خولى تۆپى پێى كه‌وسه‌رى خانمانى یانه‌كانى ئێران، بۆ هه‌فته‌ى دووه‌میش هه‌مان وێبسایت پێكهاته‌ى باشترینه‌كانى ئاشكرا كرد و جارێكى تر ناوى زه‌هرا قه‌نبه‌رى هێرشبه‌رى كورد له‌نێو پێكهاته‌كه‌دا بینرایه‌وه‌، كه‌ڕۆژى 4-12-2020 له‌یارییه‌كانى هه‌فته‌ى دووه‌می خوله‌كه‌دا توانى دوو گۆڵ تۆمار و دوو گۆڵى تریش بۆ هاوڕێكانى سازبكات و به‌ئه‌نجامى پێنج گۆڵى بێوه‌ڵام له‌یانه‌ى سارگۆڵ بوشه‌هر ببنه‌وه‌.

تیپی یانەی وچان كوردستان

شایه‌نى باسه‌ زه‌هرا قه‌نبه‌رى خانمه‌ هێرشبه‌رى كورد و كاپتنى یانه‌ى وچان كوردستان كه‌ ته‌مه‌نى 29 ساڵه‌، تائێستا له‌وه‌رزى 2020-2021ى خولى تۆپى پێى كه‌وسه‌رى خانمانى یانه‌كانى ئێران خاوه‌نى 5 گۆڵ و 2 پاسى گۆڵه‌ له‌ 2 یارى و 180 خوله‌ك یاریكردن و له‌پێشه‌نگى گۆڵكه‌رانى خوله‌كه‌ش دایه‌.

كاپتن زەهرا قەنبەری

په‌یوه‌ندی دار

Close