هەواڵ

Cfl لەسایتێکی جیهانیدا تۆمارکرا

ئیڤێنتەکەمان گەشتە سایتە جیهانییەکان
ڕۆژی شەممەی رابردوو بە سپۆنسەری میدیایی كەناڵی
كوردسات و بەسەرپەرشتی ناوەندی وەرزشی کوردستان لە شاری سلێمانی پاڵەوانێتییەكی MMA بەناوی (سی ئێف ئێڵ) بە بەشداری ٢٠ یاریزان لەسەرجەم كێشە جیاوازەكان بەسەركەوتووی بەڕێوەچوو.

چەند سایتێكی جیهانی زانیاری و ئەنجامی یارییەكانیان لە كەناڵی كوردساتەوە وەرگرتووەو لە سایتەكانیان بڵاویانكردووەتەوە.

سایتی تاپۆلۆجی كە سایتێكی تایبەتمەندە بە یارییەكانی هونەری جەنگی رووماڵی پاڵەوانێتییەكەی كردووەو سەرجەم ئەنجامەكان بڵاوكردووەتەوە.

جێی ئاماژەیە ئەمە جاری یەكەم بوو پاڵەوانێتییەكەی لەو جۆرە لە هەرێمی كوردستان بەڕێوەبچێت و هەوڵدەدرێت براوەی یارییەكان لە داهاتوودا بەشداری پاڵەوانێتییە جیهانییەكان پێبكرێت.