هەواڵ

بۆیەکەمجار کوردێك بەشداری جامی جیهانی شەترەنج دەکات


پێش ڕۆشتنی بۆ وڵاتی ڕوسیا بەمەبەستی بەشداری کردن لەجامی جیهانی شەترەنج وەك یەکەمین کوڕە کوردو عێراقییەك، بەڕێوەبەرایەتی وەرزشی سلێمانی پێشوازی کرد لە (ئاکار عەلی) ئەستێرەی نێودەوڵەتی شەترەنج و خەڵاتی ڕێزلێنانی پێبەخشی و پاڵپشتی خۆیانیان بۆ دووپاتکردەوە.
ئاکار کەلەهەمان کاتدا هاوسەری (کارین کەمال)ی پاڵەوانی شەترەنجە، پێشتر و هەردوکیان چەندین ئەنجامی گەورەیان لەمێژوی شەترەنجی عێراقدا نوسیوەتەوەو بەیەکەوە ۲٠ مەدالیای شەترەنجیان لەسەرئاستی عەرەب بەدەست هێناوەو ۱٠ ساڵیشە لەڕیزی هەڵبژاردەی عێراقدان.
ئەمڕۆش ئاکار عەلی یەکەم یاری خۆی لەڕوسیا لەجامی جیهانی بەرامبەر بە یاریزانێکی ئەمریکی ئەنجام دەدات.