هەواڵ

لەپرێمیەر لیگ رکابەریی لەسەر چامپیۆنز لیگ گەرمە

یەکلایی بوونەوەی پاڵەوانی ئەم وەرزەی پرێمیەر لیگ کاریگەریی خراپی لەسەر گەرم و گوڕی خولەکە دروست نەکردووە و یانە گەورەکان جگە لە لیڤەرپوڵ و مانچستەر سیتی رکابەریی بەهێز لەسەر بەدەستخستنی بلیتەکانی سەرکەوتن بۆ خولی یانە پاڵەوانەکانی ئەوروپا دەکەن.

دوای دەرکەوتنی پاڵەوانی خولی نایابی ئینگلتەرا و هەروەها دوای بڕیاری راگرتنی یانەی مانچستەر سیتی بۆ ماوەی دوو وەرز لەخولی یانە پاڵەوانەکان، لەئێستادا یانەکانی سێهەم تا حەوتەمی ریزبەندی هیوایەکی گەورەیان هەیە بۆ سەرکەوتن بۆ چامپیۆنز لیگ.

هەرچەندە سزاکەی مانچستەر سیتی لەقۆناغی تانەلێدان دایە، بەڵام هیوایەکی بەهێز نیە تاوەکو یەکێتی تۆپی پێی ئەوروپا لەبڕیارەکەی پاشگەزببێتەوە، بۆیە ئەوە گڕوتینێکی تری بەخشیوەتە پرێمیەر لیگ تاوەکو یانەی زیاتر چاون لەگەیشتن بەو خولە بەهێزەی ئەوروپا بێت.

یانەکانی (لیستەر سیتی، چێڵسی، مانچستەر یونایتد، وڵڤەرهامتن، ئارسناڵ و شەفێڵد) چاویان لەسەرکەوتنە بۆ چامپیۆنز لیگ، بەڵام ئەمە مانای ئەوە نیە کە یانەکانی (تۆتنهام، بێرنلی و ئیڤەرتۆن) لەرکابەرییەکە دەرچوون، بەڵکو کاری ئەوان تاڕادەیەکی زۆر قورسە.

جێی ئاماژەیە لەخولی نایابی ئینگلتەرا لەیەکەم تا چوارەمی ریزبەندی ڕاستەوخۆ سەردەکەون بۆ چامپیۆنز لیگ، بەهۆی سزاکەی مان سیتی و لەئەگەری بەردەوامبوونی ئەو سزایە ئەوە یانەی خاوەن پلەی پێنجەم لەجێی مانچستەر سیتی سەردەکەوێت.

ریزبەندی پرێمیەر لیگ لەئێستادا:

١- لیڤەرپوڵ ٨٦ خاڵ

٢- مانچستەر سیتی ٦٦ خاڵ

٣- لیستەر سیتی ٥٨ خاڵ

٤- مانچستەر یونایتد ٥٥ خاڵ

٥- چێڵسی ٥٤ خاڵ

٦- وڵڤەرهامتن ٥٢ خاڵ

٧- ئارسناڵ ٤٩ خاڵ

٨- شەفێڵد یونایتد ٤٧ خاڵ

٩- تۆتنهام ٤٥ خاڵ

١٠- بێرنلی ٤٥ خاڵ

١١- ئیڤەرتن ٤٤ خاڵ

١٢- نیوکاسڵ یونایتد ٤٢ خاڵ

هیتر ببینە

وتار

Back to top button
Close
Close