هەواڵ

مەڵبەندی کەرکوک چاککردنەوەى یاریگای وەرزشکارە دێرینەکان دەگرێتە ئەستۆ

کەرکوک: محەمەد عەبدولڕەحمان
مەڵبەندی دووی کەرکوکی (ی.ن.ک) بڕیاریدا چاکردنەوەى یاریگا روخێندراوەکەى وەرزشکارە دێرینەکانى سنورى گەڕەکى تەپەی شاری کەرکوک لە ئەستۆ بگرێت. بەبێ ئەوەى هیچ گرەنتیەکیش بدات بۆ دووبارە نەروخاندنی یاریگاکە.

بۆ دووەم رۆژ لەسەر یەک وەرزشکارە دێرینەکانى شاری کەرکوک بەردەوام بوون لەسەر گردبونەوەو هەڵویست وەرگرتن بەرامبەر بە رووخاندنی یاریگاکەیان کە کە لەلایەن لیژنەى زیادەڕۆییەکانى سەر بە پارێزگاى کەرکوک و قایمقامیەتى شارەکە روخێندرا.

ئەمڕۆ محەمەد عوسمان لێپرسراوی مەڵبەندی کەرکوکی (ی.ن.ک) بە یاوەرى جەمال شکور ئەندامى ئەنجومەنى نوێنەرانی عێراق، سەردانى وەرزشکارە دێرینەکانیان کردوو لە دەستپێکی قسەکانیدا لێپرسراوی مەڵبەند بڕیاریدا لەسەر ئەرکی مەڵبەندی کەرکوک یاریگاکە چاکبکرێتەوەو دووبارە وەرزشکاران لە نێو یاریگاکەدا چالاکیە وەرزشیەکانیان ئەنجام بدەن.

لێپرسراوی مەڵبەند رایگەیاند، ئەوان ناتوانن بەرگری لە پرسێکی نایاسایی بکەن چوونکە شوێنی یاریگاکە شوێنێکی گشتیە، بەڵام لەگەڵ ئەوەشدا هەوڵدەدەن تا کاتی دیاریکرنى شوێنی یاریگاکە بۆ پرۆژەیەکى خزمەتگوزارى، یاریگاکە چاک بکەنەوەو وەرزشکارانیش چالاکیەکانیان ئەنجام بدەن

هاوکات جەمال شکور ئەندامى پەرلەمانى عیراق رایگەیاند، لە داهاتوویەکى نزیکدا سەردانى پارێزگار و قایمقامیەتى کەرکوک دەکەن، لە پێناو وەرگرتنی رەزامەندی یاسایی بۆ چاکردنەوەى یاریگاکە تا ئەو کاتەى بەشێوەیەکى گشتی و بە بێ جیاوازى، زیادە ڕۆییەکانى ناو شار و دەرەوەى شار نەهێڵدرێت

هیتر ببینە

وتار

Back to top button
Close
Close